Gennaxu

Cumenti ‘sia minetau ocannu passau, in su mesi de Idas, incumentzaus s’ “arrecada” de is mesis, una “prenda” po donnia mesi

 

Incumentzat a Gennaxu
de is mesis s’ arrecada
in antigu a Capudanni.

Incumentzat a Gennaxu.
Crabieli s’imbasciada
dh’at girada a Santu Anni
ponendidhi liminaxu.

De is mesis s’arrecada.
Dh’at girada a Santu Anni
ponendidhi liminaxu
Crabieli s’imbasciada.

In antigu a Capudanni.
Ponendidhi liminaxu
Crabieli s’imbasciada
dh’at girada a Santu Anni.

 

Elio