Mesi de Idas

Seus lompius a metadi de su “mesi de Idas” e tandu’ dha provaus  cun issu. A printzipiu de annu nou eus a incumentzari “s’arrecada” de is doxi mesis chi dhui funti in donni’ annu. Cumenti eis a biri in “Gennaxu”, “arrecada” est una “licentzia poetica”. Iat essiri “cannaca” (collana in italianu, po chini de su sardu si nd’est iscarèsciu o no dhu cumprendidi  in tottu) ma sigumenti est pitiedhedha, dha faeus passari po arrecada (orecchino). M’ est serbiu po sa torrada puru. Licentzias poeticas, de chini no’ iscidi cumenti ndi bessiri in atru modu, ndi dhu’ ant’essiri paricias, tenei passientzia.

 

Mesi de Idas

Su ‘ocimentu de su procu
su sartitzu apicau
e i sa Noti Santa.

Su ‘ocimentu de su procu.
S’annu ‘èciu est ispaciau
Totu sa famillia acanta
E in bertula pistocu.

Su sartitzu apicau.
Totu sa famillia acanta
E in bertula pistocu
S’ annu ‘éciu est ispaciau

E i sa Noti Santa.
E in bertula pistocu
S’ annu ‘éciu est ispaciau
Totu sa famillia acanta.

Bonas festas.

elio.